Қытай мен Ресей COVID-19 індетін пропагандаға айналдырды
Коронавирус індеті кезінде әлемнің алпауыт елдері арасында ақпарат соғысы жүріп жатыр. Әсіресе, Қытай мен Ресейдің пропаганда машинасы батыс елдерін айыптауын үдеткен. АҚШ сенаторы Қытайдың әрекетін «коронавирус індетін пропоганда қоқысына» айналдырды деп айыптады.
Қазақстанда 46 адам коронавирустан аяқты
Қазақстан денсаулық сақтау министрлігі Солтүстік Қазақстан облысында бір адам COVID-19 дертінен жазылды. Осылайша елде елде 46 адам дерттен айықты: Нұр-Сұлтанда - 24 адам, Алматыда - 21 адам, СҚО бір адам.
Қазақстанда вирус жұқтырғандар 662 адамға жетті
Қазақстан денсаулық сақтау министрлігінің 6 сәуір 23.25-тегі мәліметіне сай, елде тағы 33 адамнан коронавирус табылды. Олардың 13-і Қызылорда облысында, бесеуі Шымкент қаласында, бесеуі Түркістан облысы, бесеуі Жамбыл облысында, үшеуі Алматы қаласында, екеуі Нұр-Сұлтанда.
Қазақстанда қазір 662 адамға жұқты. Алты науқас қайтыс болды. 46 адам дерттен айықты: Нұр-Сұлтанда - 24 адам, Алматыда - 21 адам, СҚО бір адам.
- Авторы: Дилара ИСА
Шымкентте вирус жұқтырған науқастың әке-шешесі мен әйелі де дертке шалдықты
6 сәуір күні Шымкент қаласында короновирус табылған бес адам бір отбасыдан. Олар – бұдан бұрын Нұр-Сұлтан қаласынан Шымкентке келгенде короновирус жұқтырғаны анықталған ер адамның туысы.
Қала әкімдігінің дерегінше, 24 жастағы ер адамның әкесі, шешесі мен ағасы, әйелі мен баласы вирус жұқтырған. Олар қалалық жұқпалы аурулар ауруханасында емделіп жатыр.
6 сәуірде де Түркістан облысында бес адамнан короновирус табылды. Вирус жұқтырғандардың бәрі – Нұр-Сұлтан қаласынан Петропавл-Қызылорда пойызымен келген Жетісай қаласы тұрғынының жақыны. Олардың бірі – 2 жасар сәби.
Дүйсенбідегі мәлімет бойынша, короновирус жұқтырғандар саны Шымкентте – 19 адамға, Түркістан облысында 33 адамға жетті.
4 сәуірде Шымкент қаласы карантинге жабылған. Қалада арнайы рұқсат қағазы жоқ адамдардың көшеге шығуына тыйым салынған. Түркістан облысында тұрғындардың бәріне маска киіп жүру міндеттелген. Бірнеше ауылға карантин жарияланған. Екі аймақта да бірнеше блокбекет қойылған.
6 сәуірдегі мәліметке сай, Қазақстанда 662 адамнан вирус табылған. 46 адам дерттен айықты. Бес адам қайтыс болды.