ҚАЗАҚСТАН

Бюджет қаржысына төселген гранит тасты зират құлпытасына айналдыру жемқорлық па, жеке ұрлық па?

Белсенді Санжар Боқаев Үлкен Алматы өзені бойындағы гранит тастарды әлдекімдер жеке бас пайдасына жарату үшін ұрлап жатқанын әшкереледі. Оның айтуынша, қала мүлкіне қол сұғу бір реттік ұрлық емес, жүйелі схемаға айналған. Әкімдік болса бұл дауды "жеке адамдардың ұрлық әрекеті" деп түсіндірді.

Тоқаев президентті күзететін қызметтің құзіретін кеңейтті. Ол не үшін қажет болды?

Президент Тоқаев мемлекеттік күзет қызметінің құзырын кеңейтетін жарлық шығарды. Бұған дейін жоғары лауазымды тұлғалар мен маңызды нысандарды қорғаған МКҚ енді қорғаныс өнеркәсібі, әскери техникаларды сынақтан өткізу, басқару, әскери-техникалық ынтымақтастыққа араласу сияқты жаңа өкілетке ие болды.

Жол апаты неге көбейді? Жылдамдықты асыру мен жауапсыздық салдары

Кейінгі бес күнде Қазақстанда үш ірі жол апатынан 25 адам опат болды. 11 қыркүйекте Маңғыстау облысында минивен аударылып, 10 адам мерт болған. Жолдағы өлім-жітім неге көбейді? Оның алдын алудың жолы бар ма? Өзге елдер тәжірибесі қандай?

Биліктің үрейі, саяси технология және "қызыл сызықтар". Саясаттанушы Досым Сәтпаевпен сұхбат

Кедейдің жыртығына жамау ма, әлеуметтік масылдық па?

Қазақстанда миллионнан астам адамның айлық табысы 85 мың теңгеден аспайды. Үкімет оның мөлшері биыл да, келесі жылы да өспейді деп отыр. Азық-түлік, түрлі қызмет ақысы ұдайы қымбаттап жатқан кезде бұл ақша ештеңеге жетпейді дейді сарапшы. Ал президент елді әлеуметтік масылдыққа қарсы тұруға үндеді.

Комитет атауын өзгерту заңсыз алынған миллиардтарды шетелден қайтаруға септесе ме?

Президент Тоқаев шетелге заңсыз шығарылған активтерді Қазақстанға қайтарумен айналысатын комитеттің атауын өзгертуді ұсынды. Бұл миллиардтаған долларды елге қайтаруға қалай әсер етпек? Биліктің қайтарылған қаржы жайлы дерегі неге әртүрлі? Осы іспен айналысатын комиссия мүшесінен сұрадық.

"Өкінбеймін". Абақтыда азапталған Тимур Дәнебаевпен сұхбат

"Ұлт араздығын" қоздырды деген айыппен сотталып, үш жылға сотталған Астана тұрғыны Тимур Дәнебаев жазаны толық өтеп, 2 қыркүйекте түрмеден шықты. Ол жазықсыз сотталдым дейді. Атбасар түрмесінде күзетшілер Дәнебаевты сабап жатқан видео тараған соң азаптау бабымен қозғалған іс әлі жүріп жатыр.

Бір палаталы парламент: халыққа жақындай ма, әлде Ақордаға тәуелді бола ма?

Президент Тоқаев сенатты қысқартып, бір палаталы парламентті партиялық тізіммен сайлау жайлы бастама көтерді. Ел тарихында бір палаталы парламент, тек партиялық тізім бойынша сайлау бұрын да болған. Кезінде олардан бас тартқан Ақорда енді нені өзгерткісі келеді? Сарапшылар пікірін білдік.

Жасанды интеллект, жаппай цифрландыру, "даукес әйелдер", бір палаталы парламент. Тоқаев жолдауында не айтты?

Президент Қасым-Жомарт Тоқаев биылғы жолдауында елдің әлеуметтік-экономикалық дамуын жаппай цифрландыру мен жасанды интеллектімен байланыстыра айтты. Ол парламентті бір палаталы етіп қайта құруды ұсынып, екінші және үшінші АЭС құрылысын тездетуді тапсырып, "даукес әйелдер" мен "масылдықты" сөкті.

Aitu: қауіпсіз қосымша ма, бақылау құралы ма?

Қазақстан президенті Қасым-Жомарт Тоқаев мемлекеттік және квазимемлекеттік ұйымдардың қызметкерлеріне Aitu қосымшасын қолдануды тапсырды. Бұл қандай платформа? Билік Ресей мен Қытайдың жолын таңдады ма? Цифрлық құқық мамандары бұдан қандай қауіп көреді?

Үкімет азаматтардың жеке телефонына үңіліп көрмек пе?

Қазақстан президенті Қасым-Жомарт Тоқаев мемлекеттік және квазимемлекеттік ұйымдардың қызметкерлеріне Aitu қосымшасын қолдануды тапсырды. Бұл қандай платформа? Билік Ресей мен Қытайдың жолын таңдады ма? Цифрлық құқық мамандары бұдан қандай қауіп көреді?

Үкімет атаулы әлеуметтік көмек беру тәртібін өзгерткісі келеді. Қалай?

Қазақстан үкіметі атаулы әлеуметтік көмек беру тәртібін тағы өзгертпек. Ең үлкен өзгеріс – бұдан былай азаматтардың табысы емес, шығыны есепке алынады және шекті мөлшерден асатын несие-қарызы бар адамдарға атаулы жәрдемақы берілмейді. Осылайша елде мыңдаған адам үкімет көмегінен қағылуы мүмкін.