Тәжікстан билігі "коронавирус жоқ" дейді, сыншылар күмән келтіреді
Дүниежүзілік денсаулық сақтау ұйымының Тәжікстандағы өкілдігінің жетекшісі Галина Перфилеева Тәжікстанда коронавирус табылған жоқ деп мәлімдеді. Оның айтуынша, 700 адам коронавирус тестінен өткен, бірақ ешқайсысынан вирус табылмаған.
Тәжікстан билігі елде коронавирус жоқ деумен келеді. Алайда кейбір сыншылар Қытаймен шекарадағы аумақта тұратын адамдардан коронавирус табылғанын және олардың саны барған сайын артып, вируспен байланысты өлім-жітім көбейгенін айтады. Олардың пікірінше, ресми түрде коронавирус тіркелмеді деп айтылғанмен елде коронавирус мүлде жоқ деп айтуға келмейді. Мұнда билік карантин жарияламай, қоғамдық шараларға тыйым салған жоқ. Жақында мыңдаған тәжік мигранты шетелден оралды. Мәселе тек тестпен байланысты болуы мүмкін.
Сыншылардың айтуынша, үкіметтің ашықтық мәселесі де түрлі сұрақтарға жетелейді: премьер-министр Кохир Расулзода жетекшілігімен өткен дағдарыс тобының күнделікті жиыны жабық жағдайда өтіп, онда не талқыланғаны мүлде айтылмады.
31 наурызда Азат Еуропа/Азаттық радиосының президенті Джейми Флай тәжік билігі журналистерге елдегі коронавирус туралы хабар таратуға кедергі келтірді деп сынаған.
Қырғызстанда коронавирустан алғашқы науқас қайтыс болды
2 сәуірде Қырғызстанда 61 жастағы ер адам коронавирустан қайтыс болды деп хабарлады республикалық штаб өкілдері. Науқас Ош облысындағы ауруханада емделген. Жақында шетелден оралып, стационарда карантинде болған. Тестен өтіп, вирус бары анықталған. Науқаста өзге де аурулар болған деп айтылады.
Республикалық штаб өкілдері 3 сәуірде таңертең Қырғызстанда тағы тоғыз адамнан коронавирус анықталғанын хабарлады. Елде науқастар саны 125 адамға жеткен.
Төрт науқастың жағдайы ауыр, бір адам өкпені жасанды желдету аппаратына қосылған деді штаб өкілдері.
Эпидемия басталған уақыттан бері бес адам айыққан. Бұл Қырғызстанда тіркелген алғашқы адам өлімі.
СҚО, Қарағанды және Түркістан облысында төрт адамнан коронавирус табылды
Қазақстан денсаулық сақтау министрлігі 3 сәуір түскі сағат 12.00-де төрт адамнан коронавирус табылғанын хабарлады. Солтүстік Қазақстан облысында - 1, Қарағанды облысында - 1, Түркістан облысында - 2 адамға вирус жұққаны анықталған.
Жалпы науқастар саны 448 адам болды:
- Нұр-Сұлтанда - 199 адам
- Алматыда - 91 адам
- Қызылорда облысында - 26 адам
- Қарағандыда - 22 адам
- Атырау облысында - 20 адам
- Ақмола облысында - 19 адам
- Шымкентте - 11 адам
- Солтүстік Қазақстан облысында - 15 адам
- Түркістан облысында -16 адам
- Алматы облысында - 9 адам
- Жамбыл облысында - 6 адам
- Ақтөбе облысында - 7 адам
- Батыс Қазақстан облысы - 2 адам
- Шығыс Қазақстан облысында - 3 адам
- Павлодар облысында - 1 адам
- Маңғыстау облысында - 1 адам
Вирустан 27 адам айыққан. 3 адам қайтыс болған. Қазір елдің басым бөлігінде карантин жарияланған. Адамдардың сыртқа шығуына шектеу қойылған.
Қазақстанда тағы бес адамнан коронавирус табылды
Қазақстан денсаулық сақтау министрлігі 3 сәуір күндізгі сағат 14.00-де тағы бес адамнан коронавирус табылғанын хабарлады. Солтүстік Қазақстан облысында - 3, Алматыда - 2 адамға вирус жұққаны анықталған.
Жалпы науқастар саны 453 адам болды:
- Нұр-Сұлтанда - 199 адам
- Алматыда - 93 адам
- Қызылорда облысында - 26 адам
- Қарағандыда - 22 адам
- Атырау облысында - 20 адам
- Ақмола облысында - 19 адам
- Шымкентте - 11 адам
- Солтүстік Қазақстан облысында - 18 адам
- Түркістан облысында -16 адам
- Алматы облысында - 9 адам
- Жамбыл облысында - 6 адам
- Ақтөбе облысында - 7 адам
- Батыс Қазақстан облысы - 2 адам
- Шығыс Қазақстан облысында - 3 адам
- Павлодар облысында - 1 адам
- Маңғыстау облысында - 1 адам
Вирустан 29 адам айыққан. 3 адам қайтыс болған. Қазір елдің басым бөлігінде карантин жарияланған. Адамдардың сыртқа шығуына шектеу қойылған.