Қазақстанда індет кезінде 12,8 мыңнан астам медицина қызметкеріне вирус жұққан, 197-і қайтыс болған
Қазақстанда індет кезінде 12 830 медицина қызметкеріне коронавирус жұққан, 197-і қайтыс болған. Бұл туралы депутат Зәуреш Аманжолованың пленарлық отырыста айтқан сөзіне сүйенген Vlast сайты хабарлады.
"Денсаулық сақтау министрлігінің мәліметінше, 22 қыркүйек күнгі ақпарат бойынша 12 830 медицина қызметкеріне коронавирус жұққан. Еңбек министрлігінің күн сайын таратып жүрген мәліметіне сәйкес, осыған дейін 2 475 –яғни, науқастардың 19 пайызынан ғана өтініш түскен. Ал бірыңғай әлеуметтік төлемді тек 1830 адам немесе 14,3 пайызы ғана алған" деді Аманжолова.
Оның сөзіне қарағанда коронавирустан қайтыс болған 197 дәрігердің отбасынан 38 өтініш түскен, 25-іне төленген. Депутат індетпен күрескен дәрігерлер мен олардың отбасына өтемақыны кешіктіру мәселесін сынап, денсаулық сақтау министрлігі мен еңбек министрлігін бірігіп тиміді жұмыс істей алмады деп айыптаған.
Заңға сәйкес, елде коронавирусты жұмыста жұқтырғаны дәлелденген медицина қызметкерлері ғана өтемақы ала алады. Бұған дейін денсаулық сақтау министрлігі вирус жұқтырған дәрігерлердің көбіне коронавирус отбасы немесе таныстарынан жұққанын айтқан еді. Дегенмен әзірге қанша медицина қызметкерінің өтініші қанағаттандырылмағаны туралы мәлімет жоқ. Ал өтемақы алмағанына шағымданған медицина қызметкерлері көп. Өткен аптада Нұр-Сұлтанда 103 станциясында қызмет ететін кейбір фельдшерлер жұмыста коронавирус жұқса да, өтемақы өтінішіміз қаралмай отыр деп шағымданған еді.
Заң бойынша коронавирус немесе коронавирус пневмониясын жұқтырған медицина қызметкеріне – 2 млн теңге, коронавирустан қайтыс болған медицина қызметкерінің отбасына 10 млн теңге көлемінде өтемақы беріледі.
Коронавирус пневмониясына шалдыққан 364 адам анықталды, Covid-тен 4 адам қайтыс болды
22 қыркүйекте Қазақстанда коронавирусқа ұқсас пневмонияға 364 адам шалдыққан. Бір күнде 66 адам жазылған. Өткен тәулікте пневмонияның бұл түріне байланысты адам өлімі тіркелмеген. Бұл туралы денсаулық сақтау министрлігі хабарлады.
1 тамыздан бері 31532 адам коронавирус пневмониясына шалдыққан. 345 адам қайтыс болған, 26 805 адам жазылған.
Өткен тәулікте коронавирус жұққаны ПТР тестімен расталған 4 адам қайтыс болған. Наурыз айынан бері 1707 адам көз жұмған.
Қазір 3 524 адам коронавирус инфекциясынан емделіп жатыр. 32-сі – бала. Стационарда – 1 868, амбулаторлық жағдайда 1 656 адам емделіп жатыр. 101 адамның жағдайы ауыр, 14 адамның жағдайы – өте ауыр, 20 адам аппарат тыныс алу аппаратына қосылған.
Елде коронавирус пен коронавирус пневмониясына шалдыққандарды қосқанда барлығы 138 982 адам Covid-пен ауырған. 129 мыңнан астамы жазылған. Кемінде 2052 адам қайтыс болған.
Денсаулық сақтау министрлігі елде эпидемиологиялық ахуал тұрақталды дегенмен пневмония статистикасы құбылып тұр, коронавирус инфекциясынан қайтыс болғандар саны тұрақты түрде артып жатыр.
Қазақстанда өткен тәулікте 76 адамнан коронавирус табылды, 155 адам жазылды
22 қыркүйекте Қазақстанда 76 адамнан коронавирус инфекциясы табылды. Бір күнде 155 адам жазылды. Бұл туралы денсаулық сақтау министрлігі хабарлады.
Сейсенбі күні ШҚО-да – 28, Нұр-Сұлтанда 20 науқас анықталды. Шымкент қаласы, Жамбыл, Павлодар, Түркістан, Маңғыстау облыстарында бірде-бір науқас тіркелмеген.
Осылайша коронавирус жұққаны ПТР-тестімен расталғандар саны 107 450 адамға жетті. Басым бөлігі жазылған. Наурыз айынан бері 1703 адам қайтыс болған. Бұл статистикаға "ілеспе аурулардан" қайтыс болған жүздеген адам өлімі енгізілмеген. Денсаулық сақтау министрлігі коронавирусқа ұқсас пневмонияға шалдыққандарды да бұл дерекке қоспай отыр. 1 тамыздан бері пневмонияның бұл түріне шамамен 31 168 адам шалдыққан. 345 адам қайтыс болған.
Дүниежүзілік денсаулық сақтау ұйымының мәліметінше, Қазақстанда 138 542 адам коронавирус ауруына шалдыққан. 2043 адам қайтыс болған.
Статистика комитетінің мәліметінше, биыл қаңтар мен шілде айында былтырғы жылмен салыстырғанда адам өлімі көп болған. Денсаулық сақтау министрлігінің өкілдері мұны індетпен байланыстырғанмен адам өлімінің нақты себептері айтылмады.
Коронавирус пневмониясына шалдыққан тағы 20 науқас анықталды, Covid-ті қосқанда 5 адам қайтыс болды
21 қыркүйек күні Қазақстанда коронавирус пневмониясына шалдыққан 20 адам анықталды. Пневмонияның коронавирусқа ұқсас түрінен 1 адам қайтыс болды. Бұл туралы денсаулық сақтау министрлігі хабарлады.
Қазақстанда 1 тамыздан бері коронавирус пневмониясына шалдыққандар саны 31 168 адамға жетті. 26 739 адам жазылған, 345 адам қайтыс болған.
Өткен тәулікте коронавирус жұққаны ПТР тестімен расталған 4 адам қайтыс болған. Наурыз айынан бері 1703 адам көз жұмған.
Қазір 3 611 адам коронавирус инфекциясынан емделіп жатыр. 36-сы – бала. Стационарда – 1 897, амбулаторлық жағдайда 1 714 адам емделіп жатыр. 100 адамның жағдайы ауыр, 14 адамның жағдайы – өте ауыр, 19 адам аппарат тыныс алу аппаратына қосылған.
Қазақстан зертханалық талдаумен расталмаған коронавирус пневмониясының есебін тек 1 тамыздан бастап – індеттің беті қайтқанда жүргізе бастады. Мәселен, 1-8 шілде аралығында 56,8 мың адамнан пневмония анықталса, оның 39,7 мыңында (70 пайызында) коронавирус белгілері байқалған. Бірақ мұның ешқайсысы коронавирус жөніндегі ұлттық статистикаға кірмеген. Коронавирус пневмониясының есебі жүргізіле бастаған 1 тамызға дейін 256 мың пневмония науқасы тіркелген. Бұл – өткен жылғыдан 3,3 есе көп көрсеткіш. Денсаулық сақтау министрлігі оның қаншасынан коронавирус белгілері байқалғанын айтпады.