Коронавирус пневмониясы: Бір күнде 62 науқас анықталды, Covid-ті қосқанда 5 адам қайтыс болды
20 қыркүйек күні Қазақстанда коронавирус пневмониясына шалдыққан 62 адам анықталды. Пневмонияның коронавирусқа ұқсас түрінен 1 адам қайтыс болды. Бұл туралы денсаулық сақтау министрлігі хабарлады.
Қазақстанда 1 тамыздан бері коронавирус пневмониясына шалдыққандар саны 31 148 адамға жетті. 26 709 адам жазылған, 344 адам қайтыс болған.
Өткен тәулікте коронавирус жұққаны ПТР тестімен расталған 4 адам қайтыс болған. Наурыз айынан бері 1699 адам көз жұмған.
Қазір 3 667 адам коронавирус инфекциясынан емделіп жатыр. 36-сы – бала. Стационарда – 1 873, амбулаторлық жағдайда 1 794 адам емделіп жатыр. 97 адамның жағдайы ауыр, 13 адамның жағдайы – өте ауыр, 17 адам аппарат тыныс алу аппаратына қосылған.
Қазақстан зертханалық талдаумен расталмаған коронавирус пневмониясының есебін тек 1 тамыздан бастап – індеттің беті қайтқанда жүргізе бастады. Мәселен, 1-8 шілде аралығында 56,8 мың адамнан пневмония анықталса, оның 39,7 мыңында (70 пайызында) коронавирус белгілері байқалған. Бірақ мұның ешқайсысы коронавирус жөніндегі ұлттық статистикаға кірмеген. Коронавирус пневмониясының есебі жүргізіле бастаған 1 тамызға дейін 256 мың пневмония науқасы тіркелген. Бұл – өткен жылғыдан 3,3 есе көп көрсеткіш. Денсаулық сақтау министрлігі оның қаншасынан коронавирус белгілері байқалғанын айтпады.
Коронавирус жұққаны ПТР тестімен расталған науқастар: Өткен тәулікте тағы 45 адамнан Covid анықталды
20 қыркүйек күні Қазақстанда 45 адамнан коронавирус инфекциясы анықталған. Бір күнде 64 адам жазылып шыққан. Бұл туралы денсаулық сақтау министрлігі хабарлады.
Өткен тәулікте Шығыс Қазақстан облысында 18 адамнан коронавирус анықталған. Нұр-Сұлтанда – 6, Алматы қаласында – 3, Қарағанды облысында 4 науқас тіркелген. Алты облыс пен қалада (Жамбыл, Маңғыстау, Қызылорда, Ақтөбе, Алматы облыстары және Шымкент қаласы) науқас тіркелмеген.
Эпидемия басталғалы Қазақстанда коронавирус жұққаны ПТР-тестпен расталғандар саны 107 307 адамға жеткен. Басым бөліні яғни, 101 941-і жазылған, 1695 адам қайтыс болған. Алайда коронавирус жұқтырып, "ілеспе аурудан қайтыс болды" деген жүздеген адам бар. Бұл дерек соңғы рет 24 тамызда жаңарды. Сол күні денсаулық сақтау министрлігінің ресми өкілі Бағдат Қожахметов "ілеспе аурудан" 556 адамның көз жұмғанын айтқан.
Билік зертханалық талдаумен расталмаған коронавирус науқастарының есебін тек 1 тамыздан кейін, індеттің беті қайтқан кезде жүргізе бастады. Тамыздың басынан 20 қыркүйекке дейін коронавирус пневмониясына 31 086 адам шалдыққан. 343-і қайтыс болған.
Қырғызстанда кейінгі 10 күнде Covid өлімі тіркелмеді
Қырғызстанда өткен тәулікте 81 адамнан коронавирус анықталды. Оның ішінде зертханалық талдаумен расталмаған коронавирус пневмониясы да бар. Тәулік ішінде аурудан ешкім қайтыс болмады. Ең соңғы рет Covid өлімі 9 қыркүйек күні Талас облысында тіркелген.
Коронавируспен күрес жөніндегі республикалық штабтың хабарлауынша, өткен тәулікте Бішкекте – 10, Ош қаласында – 2, Шу облысында – 5, Ош облысында – 8, Талас облысында – 3, Ыстық-Көл облысында – 14, Жалал-Абад облысында – 20, Баткен облысында 19 науқас тіркелген.
Эпидемия басталғалы 45 416 адамның коронавирус жұқтырғаны расталған. Ресми дерек бойынша, коронавирустан барлығы 1063 адам қайтыс болған. Қырғызстан денсаулық сақтау министрлігі 18 тамыз күні Covid өлімі статистикасын қайта қарап, қайтыс болғандар саны үштен бірге азайып қалды (1498 еді, 1053 болып қалды).
Өткен тәулікте аурудан 94 адам жазылып шыққан. Барлығы 41 578 адам аурудан айыққан. Қазір стационарларда 566 науқас жатыр. 1762 адам амбулаториялық ем қабылдап жатыр.
ПТР тестімен расталған дерек. Өткен тәулікте 63 адамнан Covid анықталған
19 қыркүйек күні Қазақстанда 63 адамнан ПТР тестімен расталған Covid инфекциясы анықталған. Бір күнде аурудан 55 адам жазылып шыққан. Бұл туралы денсаулық сақтау министрлігі хабарлады.
Өткен тәулікте тіркелген науқастардың төрттен бірінен астамы (26 пайыз) Шығыс Қазақстан облысының үлесінде. Covid инфекциясы облыстың 24 тұрғынынан табылған. Нұр-Сұлтанда – 7, Қарағанды облысында – 5, Солтүстік Қазақстан облысында – 4 науқас тіркелген. Қалған облыстарда және республикалық қалаларда 1-2 науқастан шыққан.
Эпидемия басталғалы Қазақстанда барлығы 107 262 адамның коронавирус инфекциясын жұқтырғаны ПТР тестімен расталған. Оның ішінде 101 877 адам жазылған. Ресми дерек бойынша, зертханалық расталған коронавирустан 1671 адам қайтыс болған. Алайда коронавирус жұқтырып, "ілеспе аурудан қайтыс болды" деген жүздеген адам бар. Бұл дерек соңғы рет 24 тамызда жаңарды. Сол күні Денсаулық сақтау министрлігінің ресми өкілі Бағдат Қожахмет "ілеспе аурудан" 556 адамның көз жұмғанын айтқан.
Билік зертханалық талдаумен расталмаған коронавирус науқастарының есебін тек 1 тамыздан кейін, індеттің өршуі әбден басылғанда жүргізе бастады. Тамыздың басынан 19 қыркүйекке дейін ПТР тестімен расталмаған коронавирус пневмониясы бойынша 31 086 науқас тіркелген. Оның 343-і қайтыс болған.
Қазақстанда коронавирус пневмониясының есебі жүргізіле бастаған 1 тамызға дейін 256 мың адам пневмонияға шалдыққан. Бұл – өткен жылғыдан 3,3 есе жоғары көрсеткіш. Мұның нешеуі бактериялық, нешеуі вирустық, нешеуі коронавирустық екені айтылмады.
Бірақ 1-8 шілде аралығында тіркелген 56,8 мың пневмония науқасының 39,7 мыңынан коронавирус белгілері байқалған.