Covid пен пневмония: Бір күнде 8 адам қайтыс болды
6 қыркүйек күні Қазақстанда 139 адамнан коронавирус пневмониясы анықталды. Пневмонияның бұл түрінен тағы 1 адам қайтыс болды. Бұған қоса, коронавирус жұқтырғаны ПТР тестімен расталған Covid науқастары арасында 7 адам көз жұмған. Бұл туралы денсаулық сақтау министрлігі хабарлады.
1 тамыздан бері Қазақстанда коронавирус пневмониясынан 314 адам қайтыс болған. Осы аралықта 27 762 адамнан вирус пневмониясы анықталған. 6 мыңға жуығы жазылған.
Наурыз айынан бері коронавирус жұққаны зертханалық талдаумен расталған 1634 адам көз жұмған. Вирус жұқтырғандар 106 мыңнан асқан.
24 тамыздағы дерек бойынша, коронавирус жұқтырып қайтыс болған 556 адамның өлімі Covid статистикасына кірмеген. Комиссия олар "ілеспе аурудан қайтыс болды" деген қорытынды шығарған.
Қазір 5 073 адам Covid-тен емделіп жатыр, 30-ы - бала. 2 863 адам - стационарда, 2 210 адам амбулаторлық жағдайда емделіп жатыр. 140 адамның жағдайы ауыр, 18 адамның жағдайы өте ауыр. 24 адам жасанды тыныс алу аппаратымен дем алып жатыр.
Қазақстан коронавирус індеті келгелі Covid статистикасын тек ПТР тестінің нәтижесін сүйеніп жүргізіп келеді. Маусым және шілде айларында белгілері бойынша коронавирусқа ұқсайтын пневмония ауруы өршіп кетіп, жағдай қатты ушыққанда ғана елдің денсаулық сақтау министрі коронавирус пневмониясын Covid статистикасына қосатынын айтты. Бірақ министрлік мұны бірден жасамай, аурудың тарауы басыла бастаған тамыз айынан бастады және бастапқыда уәде етілгендей статистиканы біріктіріп емес, екі бөлек жариялауға көшті. Яғни қазір 13 наурыздан бері жүргізіліп келе жатқан Covid есебі мен 1 тамыздан бері жүргізіліп келе жатқан коронавирус пневмониясының есебі бар.
Коронавирустың әлем елдері арасында тарауын картаға түсіріп отырған Джонс Хопкинс университеті Қазақстанның ресми дерегіне сүйеніп, елде 106 мың адам Covid жұқтырған десе, Дүниежүзілік денсаулық сақтау ұйымы мен Аурудың алдын-алу және бақылау жөніндегі Еуропа орталығы Covid пен коронавирус пневмониясы дерегін біріктіріп көрсетіп отыр. Яғни олардың мәліметінше, Қазақстанда коронавирус ауруына кемі 133 924 адам шалдыққан.
Қазақстанда бір күнде 60 адамнан коронавирус инфекциясы анықталды
6 қыркүйек күні Қазақстанда 60 адамның коронавирус инфекциясын жұқтырғаны анықталды. Бір күнде 131 адам Covid-тен жазылған. Бұл туралы дүйсенбі күні таңертең денсаулық сақтау министрлігі хабарлады.
Шығыс Қазақстан облысында - 15, Батыс Қазақстан облысында 8 адамнан коронавирус табылған. Түркістан, Маңғыстау, Қызылорда, Ақтөбе облыстарында және Шымкент қаласында науқас тіркелмеген.
Ресми дерек бойынша, коронавирус індеті келгелі Қазақстанда 106 361 адамның коронавирус инфекциясын жұқтырғаны расталған. Оның 99 мыңы жазылып шыққан, 1627-і қайтыс болған. Бұдан бөлек коронавирустан жұқтырған бірақ "ілеспе аурудан қайтыс болды" деген жүздеген адам бар.
Аймақтар бойынша жағдай мынадай:
Алматы қаласында – 14 276 (+4 адам жаңадан қосылды),
Нұр-Сұлтан қаласында -13 890 (+4),
Атырау облысында – 10 958 (+6),
Қарағанды облысында – 10 147 (+5),
Шығыс Қазақстан облысында – 8 294 (+15),
Батыс Қазақстан облысында – 6 785 (+8),
Шымкент қаласында - 5 181 (+0),
Алматы облысында – 4 908 (+3),
Жамбыл облысында – 4 097 (+1),
Солтүстік Қазақстан облысында – 3 985 (+4),
Павлодар облысында – 3 854 (+4),
Қостанай облысында – 3 434 (+3),
Ақмола облысында – 3 421 (+3),
Түркістан облысында – 3 339 (+0),
Маңғыстау облысында – 3 334 (+0),
Қызылорда облысында - 3 231 (+0),
Ақтөбе облысында - 3 223 (+0).
Бұл тек ПТР тестімен расталған науқастардың дерегі. Бұдан бөлек зертханалық талдаумен расталмаған, бірақ ауру белгілері бойынша коронавирусқа ұқсайтын пневмония дерегі де бар. Үкімет мұндай пневмонияның есебін 1 тамыздан бері жүргізіп келеді. 1 тамыз бен 5 қыркүйек аралығында коронавирус пневмониясы 27 мыңнан астам адамнан анықталған. Оның ішінде 5874 адам жазылып шыққан, 310 адам қайтыс болған, қалғаны емделіп жатыр.
Қазақстанда үкіметтің ресми дерегіне күдік келтіретіндер көп. Мәселен, маусым және шілде айларында пневмония ауруы өршіп, жүздеген мың адам ауруға шалдықты. Жергілікті дәрігерлер аурудың бұлай өршуі мезгілсіз екенін, оның негізгі қоздырушысы коронавирус екенін айтып дабыл қақты. Бірақ денсаулық сақтау министрлігі тек ПТР тестіне сүйенетінін, ол тестің ешқандай инфекцияны анықтамағанын айтып, пневмония дерегін Covid статистикасына қосудан бас тартып келді.
Үндістанда бір күнде 90 мың адамнан Covid анықталды. Әлемде вирус жұқтырғандар 27 миллионға жуықтады
Әлемде коронавирус инфекциясын жұқтырғандар 26,96 миллионға жеткен, аурудан қайтыс болғандар 879 мыңнан асқан. Ал Үндістанда Covid инфекциясы бір күнде 90 мың адамнан анықталып, тәулік көрсеткіші бойынша әлем рекорды жаңарды. Бұл туралы Reuters агенттігі хабарлады.
Үндістанда жексенбі, 6 қыркүйек күні 90 мың адамның коронавирус инфекциясын жұқтырғаны анықталды. Тәулік ішінде 1065 Covid өлімі тіркелген. Елдегі вирус жұқтырғандар саны 4,1 миллионға, аурудан қайтыс болғандар саны 70,6 мыңға жеткен. Covid инфекциясын жұқтырғандардың жалпы саны жөнінен Үндістан Бразилияға жақындап қалды. Онда вирус жұққандар саны бір күнде 30 мыңға артып, жалпы саны 4,12 миллионға жеткен. Індеттен 126 мың адам қайтыс болған.
Мексикада ресми дерек бойынша коронавирустан 67 326 адам қайтыс болған. Бұл – Covid өлімі бойынша әлем елдері арасында төртінші көрсеткіш. Eлдің денсаулық сақтау министрі биыл тамызға дейін өлім саны болжанған көрсеткіштен 122 765-ке көп болған дейді. Бұл коронавирустан қайтыс болғандардың саны ресми көрсеткіштегіден жоғары болуы мүмкін екенін білдіреді.
Вирус жұқтырғандар саны бойынша көш басында тұрған АҚШ-та 6,3 миллионға жуықтаған. Инфекция жұқтырған 188,5 мың адам дүниеден озған. Ел қыркүйектің бірінші дүйсенбісінде өтетін Еңбек күні мейрамына дайындалып жатыр. Дәстүр бойынша бұл күні салтанатты парад өтіп, бұқаралық жиындар өтеді. Ақ үй басшысы Дональд Трамп мереке қарсаңында америкалықтарды әлеуметтік қашықтықты ұстануға шақырды.
Covid пен пневмония. Қайтыс болғандар саны 12 адамға артты
5 қыркүйек күні Қазақстанда 423 адамнан коронавирус пневмониясы анықталды. Пневмонияның бұл түрінен тағы 3 адамның қайтыс болғаны белгілі болды. Сонымен қатар вирус жұқтырғаны ПТР тестімен расталған Covid науқастары арасында 9 адам дүниеден озған.
Қазақстан коронавирус індеті келгелі Covid статистикасын тек ПТР тестінің нәтижесін сүйеніп жүргізіп келеді. Маусым және шілде айларында белгілері бойынша коронавирусқа ұқсайтын пневмония ауруы өршіп кетіп, жағдай қатты ушыққанда ғана елдің денсаулық сақтау министрі коронавирус пневмониясын Covid статистикасына қосатынын айтты. Бірақ министрлік мұны бірден жасамай, аурудың тарауы басыла бастаған тамыз айынан бастады және бастапқыда уәде етілгендей статистиканы біріктіріп емес, екі бөлек жариялауға көшті. Яғни қазір 13 наурыздан бері жүргізіліп келе жатқан Covid есебі мен 1 тамыздан бері жүргізіліп келе жатқан коронавирус пневмониясының есебі бар.
13 наурыз бен 5 қыркүйек арасында Covid инфекциясын жұқтырғаны ПТР тестімен расталған 106 301 науқас тіркелген. Оның 99,5 мыңы аурудан жазылып шыққан, 1627-сі қайтыс болған. 24 тамыздағы дерек бойынша, коронавирус жұқтырып қайтыс болған 556 адамның өлімі Covid статистикасына кірмеген. Комиссия олар «ілеспе аурудан қайтыс» болды деген қорытынды шығарған.
1 тамыз бен 5 қыркүйек аралығында 27 623 адамға коронавирус пневмониясы диагнозы қойылған. Бұл адамдардың коронавирус инфекциясын жұқтырғаны ПТР тестімен расталмаған, сол себепті олар Covid жөніндегі ұлттық статистикаға кірмейді. Өкпе ауруына шалдыққан бұл науқастардың 5,9 мыңы жазылып шыққан, 313-і қайтыс болған.
Коронавирустың әлем елдері арасында тарауын картаға түсіріп отырған Джонс Хопкинс университеті Қазақстанның ресми дерегіне сүйеніп, елде 106 мың адам Covid жұқтырған десе, Дүниежүзілік денсаулық сақтау ұйымы мен Аурудың алдын-алу және бақылау жөніндегі Еуропа орталығы Covid пен коронавирус пневмониясы дерегін біріктіріп көрсетіп отыр. Яғни олардың пайымы бойынша, Қазақстанда коронавирус ауруына кемі 133 924 адам шалдыққан.