Covid инфекциясы бір күнде 76 адамнан анықталды, төрт облыста науқас тіркелмеді
5 қыркүйек күні Қазақстанда 76 адамның коронавирус инфекциясын жұқтырғаны расталды. Вирус жұқтырған 45 адамда ауру белгілері болған, 31 адамда симптомдар байқалмаған. Бұл туралы Қазақстан денсаулық сақтау министрлігі хабарлады.
Шығыс Қазақстан облысы (17), Алматы қаласы (10), Қарағанды облысы (8) және Нұр-Cұлтан қаласы (7) тәулік көрсеткіші бойынша көш бастады. Жамбыл, Маңғыстау, Қызылорда және Ақтөбе облыстарында ешқандай науқас тіркелген жоқ.
Ресми дерек бойынша, коронавирус індеті келгелі Қазақстанда 106 301 адамның коронавирус инфекциясын жұқтырғаны расталған. Оның 99 мыңы жазылып шыққан, 1618-і қайтыс болған. Бұдан бөлек коронавирустан жұқтырған бірақ "ілеспе аурудан қайтыс болды" деген жүздеген адам бар.
Аймақтар бойынша жағдай мынадай:
Алматы қаласында – 14272 (+10 адам жаңадан қосылды),
Нұр-Сұлтан қаласында -13886 (+7),
Атырау облысында – 10952 (+5),
Қарағанды облысында – 10142 (+8),
Шығыс Қазақстан облысында – 8279 (+17),
Батыс Қазақстан облысында – 6777 (+6),
Шымкент қаласында -5181 (+1),
Алматы облысында – 4905 (+2),
Жамбыл облысында – 4096 (+0),
Солтүстік Қазақстан облысында – 3981 (+5),
Павлодар облысында – 3854 (+5),
Қостанай облысында – 3431 (+3),
Ақмола облысында – 3418 (+3),
Түркістан облысында – 3339 (+4),
Маңғыстау облысында – 3334 (+0),
Қызылорда облысында -3231 (+0),
Ақтөбе облысында -3223 (+0).
Бұл тек ПТР тестімен расталған науқастардың дерегі. Бұдан бөлек зертханалық талдаумен расталмаған, бірақ ауру белгілері бойынша коронавирусқа ұқсайтын пневмония дерегі де бар. Үкімет мұндай пневмонияның есебін 1 тамыздан бері жүргізіп келеді. 1 тамыз бен 4 қыркүйек аралығында коронавирус пневмониясы 27 200 адамнан анықталған. Оның ішінде 5874 адам жазылып шыққан, 310 адам қайтыс болған, қалғаны емделіп жатыр.
Қазақстанда үкіметтің ресми дерегіне күдік келтіретіндер көп. Мәселен, маусым және шілде айларында пневмония ауруы өршіп, жүздеген мың адам ауруға шалдықты. Жергілікті дәрігерлер аурудың бұлай өршуі мезгілсіз екенін, оның негізгі қоздырушысы коронавирус екенін айтып дабыл қақты. Бірақ денсаулық сақтау министрлігі тек ПТР тестіне сүйенетінін, ол тестің ешқандай инфекцияны анықтамағанын айтып, пневмония дерегін Covid статистикасына қосудан бас тартып келді.
Денсаулық сақтау министрлігінің мәліметі бойынша, 2020 жылдың алғашқы жеті айында 256 мың адам пневмонияға шалдыққан. Бұл - өткен жылғыдан 3,3 жоғары көрсеткіш.
Қырғызстанға коронавируспен күресеміз деп барған ресейлік дәрігерлер қайта алмай отыр
Қырғызстанға Covid індетімен күресуге барған тоғыз ресейлік дәрігер үйіне қайта алмай отыр. Бұл туралы олар Азаттық радиосы Қырғыз қызметіне мәлімдеді.
Шілде айында Қырғызстанда коронавирус жұқтырғандар күрт артып, ауруханаларда дәрігер жетіспей, көмекке Ресейдік 100-ге жуық ерікті медқызметкер келген. Қырғызстанның Ресейдегі елшілігі және Ресейдің сыртқы істер министрлігі дәрігерлердің қайтуына мүмкіндік жасауға уәде етті, алайда еларалық шекара әлі жабық.
Азаттық радиосы Қырғыз қызметінің хабарлауынша, тоғыз медқызметкер төленбейтін демалыс алуға мәжбүр болған. Олар Мәскеудегі және Санкт-Петербургтегі жұмысына жете алмай қалған.
"Біз [Қырғызстанға] келмей тұрып Қырғызстанның Ресейдегі елшілігі және СІМ елге қайта алатынымызды айтып, уәде берді. Қырғызстанның түрлі қалаларында «қызыл зоналарда» жұмыс істеп, жергілікті дәрігерлерге берілетін жалақыны алдық. Қазір біз Ресейге қайтқымыз келеді, бірақ шекара жабық. Биліктің уәдесін қашан орындайтыны белгісіз" деді медқызметкерлердің бірі Талантбек Ахун уулу.
Қырғызстанда қалып қойған медқызметкерлер арасында реаниматолог-анестезиологтар, неврологтар, кардиологтар бар. Дәрігерлердің азаматтығы нақтыланбады.
Ресми дерек бойынша, Қырғызстанда 44 227 адам коронавирусқа шалдыққан, 1061 адам ауру салдарынан қайтыс болған. Кейінгі күндері коронавирус жұқтырғандар саны біртіндеп азайып келеді: өткен тәулікте инфекция 92 адамнан анықталған.
Билігі елде коронавирус жоқ деген Түркіменстанның ауруханалары науқастарға лық толы
Түркіменстан ауруханаларына Covid белгілері бар науқастар жаппай түсіп жатыр. Бірақ ресми Ашхабад бұрынғыша елде коронавирус жоқ деп мәлімдеп келеді.
Жергілікті ауруханалардың медқызметкерлері Азаттық радиосы Түркімен қызметіне кейінгі үш аптада жағдайдың қиындап кеткенін, өлім саны артып жатқанын айтты.
Медқызметкерлер өздерін карантин аймақтарында екі апта бойы жұмыс істеуге мәжбүрлеп жатқанына шағынды. Сонымен қатар жеке қорғаныс заттарына өз қалтасынан төлеуі керек болған. Кей мейіргерлерге екі ай бойы карантин аймағынан шығуға тыйым салған.
Түркіменстан үкіметі бұрынғыша елде коронавирусқа шалыққан науқас жоқ деп отыр, бірақ бұған ешкім сенбейді.
Өзге ауруға шалдыққан адамдар ауруханаға баруға қорқып, үйінде емделіп жатыр. Олар ауруханаға барсақ, сол жердегі науқастардан Covid инфекциясын жұқтырып аламыз ба деп алаңдайды.
ПТР растаған дерек. Қазақстанда бір күнде 104 адамнан Covid анықталды
4 тамыз күні Қазақстанда 104 адамның коронавирус жұқтырғаны расталды. Вирус жұқтырған 57 адамда ауру белгілері болған, 47 адамда симптомдар байқалмаған. Бұл туралы Қазақстан денсаулық сақтау министрлігі хабарлады.
Тәулік көрсеткіші бойынша, көш басында Шығыс Қазақстан облысы (19), Нұр-Сұлтан (15) және Алматы қалалары (14). Маңғыстау және Қызылорда облыстарында ешқандай науқас тіркелмеген.
Бұл – Covid инфекциясын жұқтырғаны ПТР тестімен расталған науқастар саны. Қазақстан 1 тамыздан бері ПТР тестімен расталмаған, бірақ ауру белгілері бойынша коронавирусқа ұқсайтын пневмония есебін де жүргізіп келеді.
Эпидемия басталғалы Қазақстанда барлығы 106 225 адамның Covid инфекциясын жұқтырғаны ПТР тестімен расталған.
Аймақ бойынша жағдай мынадай:
Алматы қаласында – 14262 (+14 адам жаңадан қосылған),
Нұр-Сұлтан қаласында -13879 (+15),
Атырау облысында – 10947 (+7),
Қарағанды облысында – 10134 (+8),
Шығыс Қазақстан облысында – 8262 (+19),
Батыс Қазақстан облысында – 6771 (+4),
Шымкент қаласында -5180 (+5),
Алматы облысында – 4903 (+3),
Жамбыл облысында – 4096 (+3),
Солтүстік Қазақстан облысында – 3976 (+5),
Павлодар облысында – 3849 (+4),
Қостанай облысында – 3428 (+3),
Ақмола облысында – 3415 (+5),
Түркістан облысында – 3335 (+7),
Маңғыстау облысында – 3334 (+0),
Қызылорда облысында -3231 (+0),
Ақтөбе облысында -3223 (+2).
Қазақстанда 1 қыркүйектен карантин шектеулерін жеңілдетудің екінші кезеңіне өтті. Қалааралық және облыс ішіндегі жолаушы автобусы мен пойызы қатынай бастады. Діни орындар ашылды, бірақ жұма намазы секілді көпшілікке арналған шараларға әлі рұқсат етілмеді. Спорт кешендері, мәдени нысандар, ұлттық парктер ашылды.