Азаттық радиосы

Авторы: Азаттық радиосы

• қыркүйек 27, 2017

  Ресей атқан зымыран жарығы ел назарын аударды

  2017 жылы қыркүйектің 27-сі күні таңертең интернетте Қазақстанның бірнеше қалаларының тұрғындары түнде аспанда көрінген беймәлім жарықты видеоға түсіріп жариялағанын хабарлап жатты. Ал Ресей қорғаныс министрлігі "Тополь" зымыранының Қазақстандағы Сарышаған полигонындағы шартты нысанаға "дәл тигенін" мәлімдеді.

• қыркүйек 27, 2017

  Президент сайлауында қыза түскен айтыс-тартыс

  Орталық Азия елдерінің арасында Қырғызстанның сайлауы басқаша өтеді, алдағы президенттік сайлау соған тағы бір дәлел болмақ. Тамыз айының басында 59 адам президент болудан үміткер еді, қазір олардың 11-і қалды, сайлау өтетін қазанның 15-іне қарай саны тағы азаятын сияқты.

• қыркүйек 26, 2017

  Telia компаниясы мен "Өзбекстанда пара беру"

  Швеция прокурорлары Telia телекоммуникация компаниясының (бұрынғы TeliaSonera) экс-басшысы Ларс Ньюбергті Өзбекстанда 3G жүйесімен жұмыс істеуге лицензия алу үшін пара берді деп айыптайды. Өткен аптада бұл компания АҚШ және Нидерланд билігіне 1 миллиард долларға жуық айыппұл төлеуге келісті. Компания Өзбекстанның бұрынғы президентінің қызы Гүлнара Каримовамен коррупциялық байланыс орнатты деп айыпталған.

• қыркүйек 25, 2017

  Тау басындағы ауылдың жұпыны тіршілігі

  Қырғызстанның қияндағы Ақ Ширақ ауылына жол талғамайтын көлікпен ғана жетуге болады. Ауыл Ыстықкөл облысында 3200 метр биік тауда, Қытаймен шекарада орналасқан. Мұнда 10 ай - қыс, 2 ай ғана жаз болады.

• қыркүйек 22, 2017

  «Торы жоқ түрме»

  Қуғын-сүргін заманында Якутияны үлкен территориясы мен қытымыр климатына бола «торы жоқ түрме» атап кеткен еді. Сталинизм жылдары аймақ жерінің үштен бір бөлігін ГУЛАГ-тың 105 лагері алып жатқан. Жаңа территорияларды игеріп, ауыл, жол салып, кен өндіру үшін тегін жұмыс күші - тұтқындарды Томпон, Оймякон, Верхоянск сияқты ең қиырда орналасқан аудандарға жіберіп отырған. Аштық пен аяздан мыңдаған тұтқын қырылған. Қазір әлгі жерлердің көбіне жету мүлде мүмкін емес.

• қыркүйек 21, 2017

  Тәжікстанда билік той тағамдарын тәркіледі

  Тәжікстанның оңтүстігінде Куляб қаласына жақын жердегі Дахана ауылында тұратын Зайдулло Худойоровтың әулетінде келеңсіз оқиға болды. Жеті баланың әкесі Зайдулло үлкен қызын ұзатқалы жатқан. Тойға бірнеше сағат қалғанда Худойоровтың үйіне жергілікті әкімшіліктен бірнеше адам келіп, той тағамдарын тәркілеп әкеткен.

• қыркүйек 20, 2017

  Қазақстан мен Қырғызстан нота жазысып жатыр

  Қазақстан президенті Нұрсұлтан Назарбаев қырғызстандық саясаткер, президент сайлауының кандидаты Өмірбек Бабановпен кездескен соң екі елдің дипломатиялық мекемелері арасында жайсыздық туды.

• қыркүйек 20, 2017

  Имамдар да жұртты мақта теруге шақырмақ

  Өзбекстаның Әндіжан облысы әкімі 16 қыркүйекте өткізген жиналыста имамдарға «мешітке келушілер мен махалла тұрғындарынан мақта теруші топтар ұйымдастырып, мақта алқаптарына шығаруды» тапсырған.

• қыркүйек 19, 2017

  "Үлкен соғысқа дайындық" дауы

  Беларусь пен Ресейдің қыркүйектің 14-інен 20-сына дейін өтетін "Батыс-2017" бірлескен әскери жаттығуы Еуропа мен АҚШ-ты алаңдатты. НАТО-ны "қырғиқабақ" соғыс аяқталғаннан бергі кезеңдегі ең үлкен жаттығудың бұрын-соңды болып көрмеген географиялық ауқымы да, оған қатысып жатқан әскер түрлерінің көптігі де, кей дерекке сәйкес, жаттығуға қатысатын әскери қызметшілер санын Ресейдің біршама кемітіп көрсетуі де алаңдатады. Бұған қоса, жаттығу мақсатын ресми басшылықтың "Беларусьтің батысында сепаратистерге тойтарыс беру іс-қимыл тактикасын пысықтау" деп түсіндіруі да онша иландырмайды.

• қыркүйек 18, 2017

  Нашар көретіндер мен зағиптардың 4 пайызы ғана жұмыс істейді

  Қазір Тәжікстанда зағип және көзі нашар көретін сегіз мыңға жуық адам тұрады, олардың бәрі дерлік кедейлік шегінде өмір сүріп немесе өлместің күйін кешіп отыр. Мемлекет оларға қарайласпайды, бірер жүз адам ғана өз бетімен жұмыс тапқан.

• қыркүйек 17, 2017

  Сирияға кеткендерден туыстары күдер үзген

  Қырғызстанның Ош облысы Араван ауданының кей тұрғындары Сирияға бала-шағасымен кеткен туыстарынан күдер үзгендерін айтады. Олардың қараусыз қалған баспаналарын ағайын-туыстары бөлісіп алған. Жергілікті билік Сирияға кеткендер легі тоқтады деп қуанады.

• қыркүйек 14, 2017

  Барлық мектеп украин тілінде оқитын болды

  Украинада мектеп реформасы туралы пікірталас басылмай тұр. Жазғы каникулдан кейін – қыркүйектің 5-і күні Украина парламенті «Білім туралы» заңды қабылдады. Құжатқа сәйкес, енді оқушыларды (бастауыш және бейіндік орта білім беретін мектептерде 2018 жылғы қыркүйектің 1-інен, ал негізгі орта білім беру мекемелерінде 2022 жылғы қыркүйектің 1-інен бастап) 12 жылдық толық жалпы орта білім беру бағдарламасы бойынша оқыту көзделген.

• қыркүйек 13, 2017

  Мирзияевтің әйелі тасадан шыға бастады ма?

  Шавкат Мирзияевтің Бішкекке сапары кезінде жұрт назары Өзбекстан басшысының өзіне ғана аумай, бірқатар бұқаралық ақпарат құралдары оның жұбайының көркіне де назар аударды.

• қыркүйек 12, 2017

  Бурятиядан Кореяға кететіндер көбейді

  Бурятияда Оңтүстік Кореяға жұмыс іздеп баратын тұрғындар көбейіп келеді. Ол жақта Бурятияға қарағанда, күнкөріс арзан, жалақы 3-4 есе көп, жергілікті тұрғындар тіпті заңсыз еңбек мигранттарының өзіне адамгершілікпен қарайды. Делдалдар да жұмысқа орналастырғаны үшін қымбат сұрамай, 150-180 долларды місе тұтады. Оңтүстік Кореяда ресейліктер көбінесе зауыттарда, қонақүйлерде, егістік алқаптарында, теңізде және құрылыста жұмыс істейді.

• қыркүйек 12, 2017

  Азиада қарсаңындағы Ашғабат

  Ашғабаттың орталығындағы Мир-1 және Мир-2 шағын аудандарына баратын жолдарға бетон бөгеттер қойылған. Азаттықтың Түркімен қызметі дереккөздерінің хабарлауынша, 5-Азиада ойындары өтетін Олимпиада қалашығы маңындағы аудандарда тұрғындардың автокөлікпен жүріп-тұруы қиындаған. Жергілікті билік қыркүйектің 17-і мен 27-і аралығында Ашғабатта өтетін Азиада ойындарына дайындалып жатыр.

• қыркүйек 11, 2017

  Ресейдегі күзгі баға арзандауы

  Ресейде көкөніс өнімдері дефляцияға әсер еткенімен, тұтыну тауарларының қайта қымбаттайтыны сөзсіз дейді мамандар.

• қыркүйек 08, 2017

  "Өлгендерді сол жерге апарып тастай беретін"

  Ресейдің Новосибирск қаласының іргесіндегі Искитим ауданындағы Ложок кентіндегі жұрт шипалы бұлақ деп атайтын бұлаққа қазір бүкіл Сібірден адамдар барып жатыр. Ал 70 жыл бұрын, 1932-1955 жылдары бұл жерде сталиндік ГУЛАГ-тың ең қорқынышты лагерьлерінің бірі болған еді. Оны №4 жеке лагерь пункті (ОЛП-4) деп атаған.

• қыркүйек 08, 2017

  Төрт студенттің біреуі ғана - жатақханада

  Қазақстанда жаңа оқу жылы басталғанда жатақхана ала алмай жүрген студенттердің шағымы көбейеді. Студенттерге жатын орын жетпейтінін университет өкілдері де айтады. Мамандардың сөзінше, елде жатақхана мәселесін шешу стратегиясы жоқ.

• қыркүйек 07, 2017

  Жоқ жерден пайда болған саясаткер

  Башқұртстан құрылтайының депутаты келер жылы Ресей президенті сайлауында Владимир Путинге бәсекелес болуы мүмкін.

• қыркүйек 06, 2017

  AzatNEWS 06.09.2017

  Алматыдағы сотта журналист Жанболат Мамай соңғы сөзін айтты. Астана маңындағы Жібек жолы ауылының жүз шақты тұрғыны үлкен жолға шыға алмай қалғандарына наразы.

Тағы