Азаттық радиосы

Еуропаға радиоактивті бұлт Ресейден тараған ба?

Ресейдің қоршаған ортаны бақылайтын қызметі ел аумағында алынған сынамадан рутений изотопы анықталғаны туралы хабарлады. Бұған дейін француз ғалымдары Еуропаға жеткен радиоактивті бұлт Ресей немесе Қазақстаннан тараған болуы мүмкін деген болжам айтқан еді.

"Аттан түсіп, томарға мінген" патша

Ресей президенті Владимир Путинге неліктен Үшінші Александр патшаның бейнесі тартымды болып көрінді?

Атамбаев Өтемұратов пен Тоқаев жайлы да айтты

Қырғызстан президенті Алмазбек Атамбаев Ресейден "қырғыз-қазақ дағдарысына" араласуын сұрағанын және көрші елдің "болашағына сабақ болатын" іс-әрекеті үшін өкінбейтінін мәлімдеді.

Атамбаев "көршіге сабақ" болатын ісіне өкінбейтінін айтты

Қырғызстан президенті Алмазбек Атамбаев Ресей президенті Владимир Путиннен "қырғыз-қазақ дағдарысына" араласуын сұрағанын айтты. Ол Қазақстанмен шекарадағы "блокада" туралы сөзін тағы қайталады. Сонымен бірге Атамбаев көрші елдің "болашағына сабақ болатын" іс-әрекеті үшін өкінбейтінін мәлімдеді.

Мұғалім қатыгездігі – қоғамдағы мәдениет пен тәрбиенің айнасы

Ресейде мектепте балаларға қол көтерген немесе психологиялық қысым көрсеткен мұғалімдер туралы күн сайын дерлік естуге болады. Сарапшылар мұғалімдердің өздерін қолдау жүйесін өзгерту әрі балалармен олардың өз тілінде сөйлесуді үйрену арқылы мектептегі қатігездікті азайтуға болады деп санайды.

Назарбаев пен Атамбаев

Орталық Азияда тұңғыш рет өз еркімен биліктен кететін Қырғызстан басшысы Алмазбек Атамбаевтың алты жылдық президенттік мерзімі аяқталды. Азаттық Алмазбек Атамбаевтың аймақта ең ұзақ билікте отырған Қазақстан президенті Нұрсұлтан Назарбаевпен бірге алты жылдағы кездесуден түсірілген суреттер топтамасын ұсынады.

Наразыларды күшпен ұстау

Ленин көшесінің атын өзгертуге қарсылық

Павлодардағы Ленин көшесінің атын Астана көшесі деп ауыстыру бастамасы тарихи мұраға деген көзқарас мәселесіне назар аудартты. Бастамаға қарсылар "тарихқа тиіспей", көше атын осы қалпында қалдыруға шақырады. Ал жақтаушылар мұны "уақыт талабы" дейді.

Рахмонның жоғары биліктегі ширек ғұмыры

Биыл 5 қазанда Тәжікстан президенті Эмомали Рахмон 65 жасқа толды. Ал 16 қарашада елде президент күні аталып өтті. Тәжікстанда бұл мерекенің пайда болғанына биыл - екінші жыл.

Тақ мұрагерінің күресі мен арманы

Сауд Арабиясында соңғы кезде "коррупцияға қарсы күрес" деген желеумен монарх әулетінің ондаған мүшесі, ірі кәсіпкерлер, тіпті ұлттық гвардия басшысы Мутаиб бен Абдалланың өзі де тұтқындалды. Сонымен бірге Асир провинциясы губернаторының орынбасары ханзада Мансур бен Мукрин мен жеті адам (арасында жоғары лауазымды үкімет шенеуніктері бар) отырған тікұшақтың апатқа ұшырауы "бұл кездейсоқ оқиға емес" деген сыбыс тудырды. Бақылаушылардың пікірі Сауд Арабиясында дәстүр бойынша билік ағадан ініге ауысуы тиіс болғанымен, қазіргі король Салман ұлы Мохаммед бен Салманды таққа отырғызуға қамданып жатыр дегенге саяды.

Сот Матаевтың түрме жазасын шартты қылды

Қапшағай қаласының соты Қазақстан журналистер одағының бұрынғы төрағасы, "қаржы жымқырды және салықтан жалтарды" деген айыппен сотталған Сейітқазы Матаевты қамаудан босатты. Матаев жазасын енді шартты түрде өтейді.

Ресей думасының "қарымтасы"

Ресей мемлекеттік думасы өзге ел БАҚ-тарын "шетел агенті" деп тіркеу туралы заңды бір ауыздан қабылдады. Сарапшылар Ресейде жұмыс істейтін америкалық бұқаралық ақпарат құралдарын шетел агенттері реестріне енгізу мен олардың қысастыққа ұшырау ықтималдығы Мәскеу мен Вашингтон арасындағы араздықты қоздыра түседі деп санайды.

Зимбабведе - төңкеріс, Мугабе - "қамауда"

Зимбабведе әскерилердің төңкеріс жасап, билікті басып алғаны хабарланды. Әскери жетекшілік президент Мугабені "қауіпсіз жерге көшіріп", оның төңірегін "қылмыскерлерден тазартып жатқанын" мәлімдеді.

"Сара Назарбаева атындағы парктің" жобасы ұсынылды

Ақмола облысы Ақкөл ауданында Сара Назарбаева атындағы "табиғи парктің" жобасы таныстырылған. Жергілікті билік өкілдері биорезерват құруды ұсынған қордың белсенділеріне қорықты қай жерде құратындарын анықтауды тапсырғандарын айтады. Идея авторлары жерді Ақкөл қаласының шығысынан таңдағандарын хабарлады.

Атамбаев "кешірім сұрамайтынын" мәлімдеді

Қырғызстан президенті Алмазбек Атамбаев 2017 жылы қарашаның 15-і күні «Ала-Арча» мемлекеттік резиденциясында тұрақты даму жөніндегі Ұлттық кеңес отырысында қазақ-қырғыз шекарасындағы ахуал жөнінде сөйлеп, ешкімнен кешірім сұрамайтынын мәлімдеді. Бұл туралы Азаттықтың Қырғыз қызметі хабарлады.

Сарапшы: Бабановтың саяси болашағын болжауға ерте

Омурбек Бабанов парламенттегі "Республика-Ата-Журт" фракциясының жетекшілігінен кетті. Қазір шетелде жүрген ол партияластарына жолдаған үндеуінде жағдайым жақсы деп мәлімдейді. Елге қашан оралатыны белгісіз. Қырғызстанда бас прокуратура оның үстінен қылмыстық іс қозғаған. Осы оқиғалардан кейін Омурбек Бабановтың саяси болашағы бар ма? Фракция жетешілігінен кету себебі қандай? Азаттықтың Қырғыз қызметінің осы және өзге сұрақтарына саясаттанушы Эдиль Осмонбетов жауап берді.

"Қырғызстанмен сауда соғысы" айтыла бастады

Қазақстан қырғызстандық кей компаниялардың сүт, ет және кондитер өнімдерін кіргізуді шектеді. Астана бұл шешімін Қырғызстаннан "талапқа сай емес өнімдер келіп жатыр" деп түсіндірді. Сарапшылар екі көршінің бір айдан асқан тәжікесінен «сауда соғысы» белгілерін көреді.

«Ресейде белсенді мұғалімдер аз»

Татарстанда орта мектеп мұғалімі Навальный митингілерін ұйымдастырады, билікті ашық сынайды. Ол өз құқығын білген мұғалімге ешкім қысым жасай алмайтынын айтады.

Иран зілзаласы: құрбандар саны өсті

"Алты адам баса-көктеп кіріп келді"

Ресейде әлеуметтік желідегі жабық альбомға интернет-мемдер сақтаған адамға қарсы алғашқы қылмыстық іс қозғалды.