Азаттық радиосы

Авторы: Азаттық радиосы

• желтоқсан 11, 2017

  Байқоңырды суретке тартқан ұшақты ату

  Кіші Гэри Пауэрс әкесі - америкалық әскери ұшқыш жайлы мәліметтерді баяғыдан жинап келеді. 1960 жылы үлкен Пауэрс Байқоңыр мен Арзамас-16 ядролық қаруды құрастыру орталығын әуеден суретке түсіруі тиіс болған, бірақ оның ұшағын атып түсірген, ал кейінірек ұшқышты совет барлаушысы Рудольф Абельге айырбастаған.

• желтоқсан 10, 2017

  Гэри Пауэрстің баласы әкесінің тарихын зерттеп жүр

  Гэри Пауэрстің баласы кіші Гэри Пауэрс әкесі жайлы мәліметтерді жинақтап жүргеніне ондаған жылдар болды. 1960 жылы АҚШ-тың әскери ұшқышы Гэри Пауэрс СССР-дің Байқоңыр полигоны мен Арзамас-16 ядролық қару құрастыру орталығы сияқты әскери нысандарын фотоға түсіріп алуы тиіс болған.

• желтоқсан 09, 2017

  Киевте Михаил Саакашвилиді ұстады

  Грузияның экс-президенті, Украинаның Одесса облысының бұрынғы басшысы, оппозициялық саясаткер Михаил Саакашвили осы аптада екінші мәрте ұсталғаннан кейін Киевте жүздеген адам наразылық акциясына шықты. Саакашвили абақтыда аштық жариялайтыны туралы мәлімдеген.

• желтоқсан 08, 2017

  Рамзан Қадыровтың тыйымы

  Республикада спорттың қысқы түрлерімен айналысатын спортшы жоқ екеніне қарамастан, Шешенстан басшысы спортшыларға олимпиадаға қатысуға тыйым салды.

• желтоқсан 08, 2017

  Авдеевкадағы майдан шебі

  Украинаның Донецк облысы Авдеевка елді мекені маңындағы үкімет әскерінің бақылауындағы өндірістік аймақта қару дыбысы толастамайды десе болады. Украиналық әскерилер мен Ресей қолдау танытатын сепаратистердің ұрыс позициялары бір-бірінен гранат тастам қашықта орналасқан.

• желтоқсан 07, 2017

  Күрежолға Атамбаевтың атын беруді ұсынды

  Қырғызстан парламентінде экс-президент Алмазбек Атамбаевтың атын салынып жатқан Солтүстік-Оңтүстік күрежолына беру туралы ұсыныс айтылды. Жақтастар да табылғанымен, қарсы депутаттар да бар.

• желтоқсан 07, 2017

  Асыра сілтеген «қарымта»

  Заң қабылданды, қолданылатын жері де табылды, бірақ оны қолдану тәртібі түсініксіз болып тұр. Ресейдегі өзге ел БАҚ-тарын "шетел агенті" деп тіркеу туралы күшіне енген заң қазір осындай күйде. "Агенттер" тізіміне Азаттықтың Орыс қызметі мен оның "Фактограф", "Сибирь.Реалии" жобалары да  енгізілген. Ал мемлекеттік дума "шетел агенті" деп танылған  БАҚ тілшілерін Федералдық кеңес ғимаратына кіргізуге тыйым салу туралы шешім қабылдауы мүмкін.

• желтоқсан 06, 2017

  Ресейді олимпиададан аластаудың айтысы

  Ресей құрамасы 2018 жылғы ақпанның 9-ы мен 28-і аралығында Пхенчханда (Оңтүстік Корея) өтетін қысқы олимпиадаға қатыспайды, "қатаң допинг шарттарына" сай, бұрын допинг дауына ілікпеген ресейлік жеке спортшылар әлемдік додаға олимпиада туы астында қатысатын болды. Әзірге олимпиадаға «бейтарап мәртебемен» қатысатын ресейлік спортшылардың аты-жөні аталмады. ХОК мәлімдемесінде оларды арнайы комиссия іріктейтіні айтылған. Осындай шешімді Халықаралық олимпиада комитеті (ХОК) желтоқсанның 5-і күні Лозаннадағы (Швейцария) арнайы отырыста қабылдады. ХОК Ресейді "спортшыларының допинг қолдануын мемлекеттік тұрғыда қолдады" деп айыптайды. Ресейдің олимпиада комитетінің біліктілігі жойылды, ал спорт министрі болған Виталий Мутко олимпиадаларға қатысы бар жұмыстар атқару құқығынан айырылды.

• желтоқсан 05, 2017

  Допинг дауы Ресейді олимпиадасыз қалдырды

  5 желтоқсан күні Халықаралық олимпиада комитеті "мемлекеттің қолдауымен допинг қолдану" айыбына ұшырауына байланысты Ресейдің 2018 жылы Оңтүстік Кореяның Пхёнчхан қаласында өтетін Қысқы олимпиадаға қатысуына тыйым салды.

• желтоқсан 05, 2017

  "Азат болған" Cаакашвили елді майданға шақырды

  Украина қауіпсіздік қызметінің Михаил Саакашвилиді ұстамақ болған әрекеті сәтсіз аяқталды. Саакашвилидің жақтастары ол отырған қауіпсіздік қызметі микроавтобусының жолын бөгеп тастаған. Соңынан олар саясаткерді көліктен суырып шығарды.

• желтоқсан 05, 2017

  «9-сыныпта ұзатты. Менен тіпті сұраған жоқ»

  Жалал-Абад облысында тұратын этникалық өзбектер арасында мектеп жасындағы кішкентай қыздарды ұзату дәстүрі әлі бар.

• желтоқсан 05, 2017

  Алашорда үкіметі құрылған күн

  1917 жылы 13 желтоқсанда Орынборда Алашорда үкіметі құрылды. "Алаш" қозғалысы платформасын насихаттаған "Қазақ" газетінің авторларын осы фотогалереядан көре аласыздар. (Суреттер Сұлтан Хан Аққұлының жинағынан алынды).

• желтоқсан 04, 2017

  «Жээнбеков Атамбаевтың көлеңкесінде қалмайды»

  Қырғызстан президенті Сооронбай Жээнбеков шетелдерге алғашқы сапарын аяқтады. Ол Мәскеу мен Минскіге барып, қызметіне кіріспей тұрып туындаған кей проблемаларды шешті. Азаттықтың «Енді әріптес елдермен қатынас реттеле ме?», «Жаңа басшы өзін қалай көрсетті?» деген сұрақтарына саясаттанушы Марс Сариев жауап береді.

• желтоқсан 04, 2017

  Журналистер одағы төрағасы түрмеден шықты

  Қазақстан журналистер одағы төрағасы, "қаржы жымқырды" және "салықтан жалтарды" деген айыппен сотталған Сейітқазы Матаев шартты жазамен түрмеден босап шықты. Оны түрмеден босату туралы сот үкімі қарашаның 16-сы күні шыққан. Матаев енді жазасын шартты түрде өтейді. Ол Алматы облысы Заречный кентіндегі ЛА 155/14 колониясынан дүйсенбі күні түстен кейін босатылды.

• желтоқсан 04, 2017

  Мүгедек жандардың орындалмаған өтініші

  Қырғызстан үкіметі мүмкіндігі шектеулі адамдардың құқығы туралы БҰҰ конвенциясын ратификациялауға әзір емес. Қырғызстан премьер-министрі Сапар Искаков мұның себебі бюджет тапшылығына байланыстырады.

• желтоқсан 01, 2017

  Трамптың бұрынғы кеңесшісіне айып тағылды

  АҚШ президентінің ұлттық қауіпсіздік бойынша кеңесшісі болып 24-ақ күн істеген соң жыл басында отставкаға кеткен Майкл Флинге "ФБР-ге жалған мәлімет беріп, федералдық қылмыс жасады" деген айып тағылды.

• желтоқсан 01, 2017

  "Жұрттың күнкөрісі мүлде қиындап кетті"

  "Оливье салаты", харчо, тауық еті мен көкөністен дайындалған рагу, компот немесе "эль" сырасы, нан. 200 рубль. Ардагерлер мен күнкөрісі нашар зейнеткерлерге тегін" деген хабарландыру әуелі Санкт-Петербургтегі кафенің есігінде ілініп тұрды, ал кейін әлеуметтік желілерде тарады. Бірер күннің ішінде бұл акция жайлы бүкіл қала естіп, тегін асқа қаланың түкпір-түкпірінен қарттар келе бастады.

• қараша 30, 2017

  "Қазақмыс" "еңбек дауын реттегенін" хабарлады

  "Қазақмыс" корпорациясы еңбекақыны көтеріп, әлеуметтік жағдайларын жақсарту туралы талап қойған Оңтүстік Жезқазған кенішіндегі жұмысшылармен арадағы "еңбек дауы реттелгені" туралы ақпарат таратты. Компания бұл туралы шахтадан шығудан бас тартқан кеншілермен келіссөз өткізгеннен кейін хабарлады.

• қараша 30, 2017

  Фурманов көшесіне Назарбаевтың атын бермек

  Алматы қалалық мәслихаты Фурманов көшесінің атауын Нұрсұлтан Назарбаев атындағы даңғыл деп өзгерту туралы шешім қабылдады.

• қараша 30, 2017

  Собчак жақтастарын "айламен көбейтті" ме?

  Ксения Собчак Ресей президенті қызметіне сайлауға түсу ниетін жариялағаннан кейін оны "кандидатурасын Владимир Путиннің сайлануын заңды етіп көрсету үшін әрі билік үшін шынымен қауіпті бәсекелес, оппозициялық саясаткер Алексей Навальный жақтастарының бір бөлігін өз жағына тартып әкету амалымен (Кремльмен келісіп) ұсынды" деп жазғырушылар көбейген болатын.

Тағы